"(საპრექიდენტო არჩევნებში გამარჯვების შემთხვევაში) კლინტონი, ვფიქრობ, ობამას უფრო ძლიერი ვერსია იქნება. ის უფრო ადვილად დათანხმდება ძალის გამოყენებას. ეს საქართველოს შეიძლება ხელს აძლევდეს," - აცხადებს "რეზონანსთან" საუბრისას ამერიკელი ექსპერტი, ჰადსონის ინსტიტუტის სამხედრო-პოლიტიკური ანალიზის ცენტრის დირექტორი რიჩარდ ვეიცი, რომელიც ახლახან თბილისში იმყოფებოდა.

ფარული ჩანაწერების სერია გრძელდება. ამჯერად უკრაინული ვებგვერდი აქვეყნებს, სავარაუდოდ, საქართველოს ყოფილი პრეზიდენტის, ოდესის გუბერნატორ მიხეილ სააკაშვილის საუბრებს დეპუტატებთან, ნუგზარ წიკლაურთან და გივი თარგამაძესთან. საუბრის თემა იგივე - ხალხის მობილიზება და "რუსთავი 2"-ის საქმეზე მოსამართლის გადაწყვეტილების გამოცხადების შემდეგ პერმანენტული აქციების დაწყებაა.

დღეიდან "რუსთავი 2" 100%-ით ყოფილ მესაკუთრეს, ქიბარ ხალვაშს ეკუთვნის, თუმცა არხის ფაქტობრივ ფლობამდე მას სააპელაციო და, სავარაუდოდ, უზენაესი სასამართლო აქვს დარჩენილი. მოპასუხე მხარე დავას აგრძელებს, დაუყოვნებლივი აღსრულების ნორმა კი შეჩერებულია. არხის გენდირექტორი ნიკა გვარამია ამბობს, რომ მინიმუმ არჩევნებამდე პროცესებს აუცილებლად გაწელავენ.

შუალედურმა არჩევნებმა, რომელიც 31 ოქტომბერს მარტვილსა და საგარეჯოში ჩატარდა, პოლიტოლოგების აზრით, არაერთი დასკვნის გამოტანის საშუალება მოგვცა როგორც ქართულ პოლიტიკურ სპექტრში არსებული მდგომარეობის შესახებ, ისე საზოგადოების მოთხოვნებისა და განწყობის მხრივ.

დამოუკიდებელ ექსპერტთა კლუბის წევრი სოსო ცისკარიშვილი აცხადებს, რომ "რუსთავი 2"-ის ირგვლივ მიმდინარე პროცესები და აურზაური თავად ტელეკომპანიაში არსებულ პოლიტიკურ ჯგუფს აწყობს, რომელიც ამ აურზაურით ქვეყანაში დაძაბული ფონის შენარჩუნებას ცდილობს. მისი აზრით, ტელეკომპანიაში ჟურნალისტთა გარკვეული წრე უბრალოდ "ნაციონალური მოძრაობის" ტყვეობაში იმყოფება, რაც, მისი განცახდებით, ფარული აუდიოჩანაწერების გამოაშკარავების შემდეგ უფრო ნათელი გახდა.

ტელეკომპანია "რუსთავი 2"-ის წილების საქმეზე დღეს საქალაქო სასამართლოში დასკვნითი სხდომა გაიმართება, რის შემდეგაც მოსამართლე სათათბიროდ გავა და უახლოეს დღეებში შესაძლოა, გადაწყვეტილებაც გამოაცხადოს.

გაფრთხილება, საყვედური, ან მიხეილ სააკაშვილის სამსახურიდან გათავისუფლება - სწორედ ამას ელიან ხელისუფლებაში უკრაინის პრეზიდენტისაგან და მიიჩნევენ, რომ პეტრო პოროშენკო პრემიერის მიმართვას რეგირების გარეშე არ დატოვებს.

"ცხადია, უკრაინის ხელისუფლება სააკაშვილის ჩანაწერებით უნდა დაინტერესდეს, ეს დელიკატური თემაა, ვინაიდან ამ ქვეყანასთან ურთიერთობა ძალიან მოსაფრთხილებელია", - ამბობს "რესპუბლიკური პარტიის ერთ-ერთი ლიდერი დავით ზურაბიშვილი და დასძენს, რომ საქართველოს ყოფილი პრეზიდენტის მთავარი მიზანი ძალადობისა და რევოლუციური სცენარის პროვოცირებაა, რათა ხელისუფლებას რამე გზით წასვლისკენ უბიძგოს.

მორიგი ფარული ჩანაწერი - საქართველოში უკვე კარგად ცნობილი უკრაინული ვებგვერდი ცცც.გფკუმწ. შტ.გფ საქართველოს ყოფილი პრეზიდენტის მიხეილ სააკაშვილის საუბრებს გვარამიასა და სოფო ნიჟარაძესთან აქვეყნებს, რომლის ავთენტურობა კითხვის ნიშნის ქვეშ დგას. მხარეები საუბრის შინაარსს არ ადასტურებენ.

რუსული ბიზნესის გარდა, აფხაზეთში საქმიანობის დაწყებას არც სხვა ქვეყნებში მოქმედი კომპანიები ერიდებიან. განსაკუთრებით აქტიურობენ თურქები, თუმცა როგორც აფხაზეთის დე ფაქტო სავაჭრო-სამრეწველო პალატის ოფიციალური ვებ-გვერდზე აღნიშნული, მათ საინვესტიციო და კომერციული წინადადებით ევროპული კომპანიებიც მიმართავენ. საუბარია სერბულ, იაპონურ, ჰოლანდიურ, იტალიურ, თურქულ კომპანიებზე, საიდანაც უმეტესობას ოფიციალური წარმომადგენლობა რუსეთში აქვს გახსნილი.

საყოველთაო ჯანდაცვის პროგრამას თანხის დამატება ნამდვილად დასჭირდება. ჯანდაცვის მინისტრის მოადგილე ზაზა სოფრომაძემ კონკრეტული რიცხვის დასახელებისგან თავი შეიკავა, მაგრამ დაადასტურა, რომ თუკი პროგრამას რესურსი დააკლდა, იგი იქნება მოძიებული და დამატებული, რათა არ შეწყდეს პროგრამის განხორციელება.

დაგროვებითი საპენსიო სისტემა 2017 წლიდან უნდა ამოქმედდეს. მანამდე ხელისუფლებას საკმაოდ დიდი სამუშაოს შესრულება მოუწევს. გარდა იმისა, რომ უნდა გაიწეროს ქართულ რეალობაზე კარგად მორგებული კანონი, ასევე უნდა შეიქმნას ფინანსური ინსტიტუტები, სადაც საპენსიო შენატანების დაგროვება მოხდება.