29 ოქტომბერს ინტერნეტში სატელეფონო საუბრების ფარული აუდიოჩანაწერი გავრცელდა, სადაც უკრაინაში მყოფი საქართველოს ყოფილი პრეზიდენტის, მიხეილ სააკაშვილის, "რუსთავი-2"-ის გენერალური დირექტორისა და ყოფილი უშიშროების საბჭოს მდივნის, გიგა ბოკერიას სატელეფონო საუბარია ასახული. საუბრის მონაწილეებმა დაადასტურს, რომ ჩანაწერი ნამდვილი და ავთენტურია.

სალომე სარიშვილი

ხმაური, სიტყვიერი და ფიზკური დაპირისპირება, შეხლა-შემოხლა, ბიულეტენები ტრუსებში - ასეთი იყო 31 ოქტომბრის შუალედური არჩევნები, რომელიც რამდენიმე რაიონში გაიმართა.

სკანდალური აუდიოჩანაწერის გავრცელების შემდეგ, სადაც მიხეილ სააკაშვილისა და ნიკა გვარამიას, ასევე მიხეილ სააკაშვილისა და გიგა ბოკარიას საუბარია ასახული, ამ ფაქტს საზოგადოებაში აქტიური გამოხმაურება მოჰყვა. თავად "ნაცმოძრაობის" მხარდამჭერები აცხადებენ, რომ ძალიან უნდა გინდოდეს ივანიშვილის გამარჯვება, რომ ასეთი რამ მისცე ხელში და სააკაშვილმა "რუსთავი 2"-ის დაცვა მნიშვნელოვნად დაასუსტა. "ნაცმოძრაობის" ზოგიერთი ლიდერი კი აცხადებს, რომ ვინც ისედაც არ აპირებდა "რუსთავი 2"-ის დაცვას, ახლა ამის კარგი საბაბი მიეცათ.

"რუსთავი 2"-ის წილების საქმეზე დღეს საქალაქო სასამართლოში დასკვნითი სხდომა გაიმართება, რის შემდეგაც მოსამართლე სათათბიროდ გავა და უახლოეს დღეებში შესაძლოა, გადაწყვეტილებაც გამოაცხადოს. "რუსთავი 2"-ის გენერალური დირექტორი ნიკა გვარამია ფიქრობს, რომ მოსამართლე თამაზ ურთმელიძე ტელეკომპანიის წილებს მის ყოფილ მფლობელ ქიბარ ხალვაშს გადასცემს, ამიტომ იგი შემდეგი სამართლებრივი ბრძოლისთვის ემზადება. რაც შეეხება აღსრულების პროცესს, იმ შემთხვეაში, თუ მოსარჩლე მხარე სასამართლოს დაუყოვნებლივი აღსრულების მოთხოვნით მიმართავს, ურთმელიძე ამ საკითხზე იმსჯელებს და შესაბამის გადაწყვეტილებას მიიღებს.

საპარლამენტო უმრავლესობის წევრი გია ვოლსკი აცახდებს, რომ ნიკა გვარამიამ სააკაშვილის სცენარი მხოლოდ იმიტომ არ გამოიყენა, რომ მიხვდა, თავისი გაწირვა უნდოდათ. ის სააკაშვილს გაემიჯნა და ამით საკუთარი თავი და გარემოცვა გადაარჩინა.

ტელეკომპანია "რუსთავი 2" არხის საინფორმაციო სარედაქციო დამოუკიდებლობის უზრუნველყოფის მიზნით ქმნის საზოგადოებრივ საბჭოს, რომელიც კონტროლს გაუწევს იმ კონტექსტს, რასაც "რუსთავი 2"-ის საინფორმაციო სამსახური ამზადებს. საუბარია პოლიტიკურ და ანალიტიკურ გადაცემებზე. აღნიშნული ინიციატივის შესახებ "რუსთავი 2"-ის საინფორმაციო სამსახურის უფროსმა გიორგი ლაფერაშვილმა განაცხადა.

არასამთავრობო ორგანიზაცია "თავისუფალი ზონის" წევრმა ფარნაოზ ჭკადუამ, ჯერ კიდევ ინტერნეტში ცნობილი სატელეფონო ჩანაწერების გამოჩენამდე, თავის "ფეისბუქის" გვერდზე გამოაქვეყნა ტექსტი, სადაც იგი მოსახლეობას მოუწოდებს, მივიდეს "რუსთავი 2"-ის მხარდასაჭერად და ფიზიკურად დაიცვას სიტყვისა და გამოხატვის თავისუფლება.

"ნაციონალური მოძრაობის" ყოფილი წევრი ზურაბ ჯაფარიძე საქართველოს ყოფილ პრეზიდენტ მიხეილ სააკაშვილს ადამიანების სიცოცხლის მიმართ გულგრილი დამოკიდებულების გამო აკრიტიკებს. ამბობს, რომ სწორედ ამ პათოსის გამო დატოვა თავის დროზე პარტია. თუმცა, მისი მტკიცებით, სააკაშვილს რევოლუციის მოწყობის ან ვითარების დაძაბვის გეგმაზე მასთან არასდროს უსაბრია.

პარასკევს საქართველოს საგარეო საქმეთა მინისტრის მოადგილე დავით ჯალაღანია საქართველოში უკრაინის საქმეთა დროებით რწმუნებულს, გიორგი ნაზაროვს შეხვდა და მას საგარეო საქმეთა სამინისტროს ოფიციალური ნოტა გადასცა. საქართველომ უკრაინას საპროტესტო ნოტა მიხეილ სააკაშვილის მიერ გავრცელებული ვიდეოგანცხადების გამო გაუგზავნა.

"უკრაინა საქართველოს ერთ-ერთი ყველაზე ერთგული და სტრატეგიული პარტნიორია", - არაერთხელ უთქვამთ ქართველ მაღალჩინოსნებსა და არა მარტო მათ. შესაბამისად, როდესაც დონბასში პრორუსმა მეამბოხეებმა რუსეთის მხარდაჭერით საბრძოლო მოქმედებები წამოიწყეს, უკრაინის სამთავრობო ჯარების რიგებში მოხალისედ ათობით ქართველი ჩაეწერა.

სამგორის რაიონში, ნავთლუღის ბაზრის მიმდებარე ტერიტორიაზე, ავტოსაგზაო შემთხვევის შედეგად მამაკაცი გარდაიცვალა. შემთხვევა 29 ოქტომბერს, დაახლოებით 19 საათზე მოხდა, როდესაც მამაკაცი გზაზე გადასვლას ცდილობდა. როგორც თვითმხილველები ამბობენ, მამაკაცმა ერთ მანქანას წინ გადაურბინა, რა დროსაც მეორე ავტომობილი დაეჯახა. დაჯახება იმდენად ძლიერი იყო, რომ მამაკაცი ადგილზე რამდენიმე წუთში, სასწრაფო დახმრების მოსვლამდე გარდაიცვალა.

იუსტიციის სამინისტრომ ქვეყნის ყოფილი პრეზიდენტის და ამჟამად ოდესის გუბერნატორის, მიხეილ სააკაშვილისთვის საქართველოს მოქალაქეობის შეწყვეტის პროცედურები დაიწყო. შესაბამისი განცხადება საგანგებოდ გამართულ ბრიფინგზე იუსტიციის მინისტრმა თეა წულუკიანმა გუშინ გააკეთა.