თავისუფალი დემოკრატები" საზოგადოებას ტელეკომპანია "რუსთავი 2"-ის მიმართ მიმდინარე მოვლენებზე სიმშვიდის შემარჩუნებას და მასობრივი გამოსვლებისგან თავის შეკავებას სთხოვენ. ისინი ტელეკომპანიის დასაცავად მასობრივი გამოსვლების თაობაზე "ნაციონალური მოძრაობის" მოწოდებებს ემიჯნებიან და მოქალაქეებსაც იგივეს მოუწოდებენ.

"ოცნებასა" და პრეზიდენტს შორის პოლიტიკური გაყრა საბოლოოდ გაფორმდა. მიუხედავად იმისა, რომ პრეზიდენტი უკვე ორ დღეა, უმრავლესობას და გუშინ უკვე პრემიერსა და პარლამეტის თავმჯდომარესაც მოუწოდებს მასთან შეხვედრისაკენ, უმრავლესობა, ჯერჯერობით მაინც, კატეგორიული წინააღმდეგია. მიზეზად კი სხვადასხვა გარემოებას ასახელებენ - იმას, რომ მარგველაშვილი უკვე დიდი ხანია მათი გუნდის წევრი არ არის, რომ მან ყველას იმედი გაუცრუა, რომ ისედაც ბევრი არაფერი ეკითხება მას და თან ქვეყანაშიც "არაფერი ხდება ისეთი".

რუსეთი 2006-2007 წლებში ქვეყნიდან ქართველების მასობრივად გაძევებისთვის 70 მილიონი ევროს კომპენსაციის გადახდას არ აპირებს. ადამიანის უფლებათა ევროპულ სასამართლოში რუსეთის წარმომადგენლის გიორგი მატიუშკინის განცხადებით, აღნიშნული თანხის ოდენობის კომპენსაცია "ქართული მხარის სურვილია". თანაც, მისი მტკიცებით, რუსეთმა ამ დრომდე ვერ მიიღო მასალები 2006-2007 წლებში მომხდარი მოვლენების შედეგად დაზარალებულ პირთა შესახებ.

თითქმის ორწელიწადნახევრის განხილვის შემდეგ თბილისის საქალაქო სასამართლომ 2013 წლის 17 მაისის საქმეში ოთხი პირი უდანაშაულოდ ცნო. საქმე ჰომოფობიისა და ტრანსფობიის წინააღმდეგ ბრძოლის დღისადმი მიძღვნილი დემონსტრაციისთვის ხელის შეშლას ეხება. გამამართლებელი განაჩენის გამოტანას იურისტთა ნაწილი უარყოფითად აფასებს.

"სირიის ტერიტორიაზე მყოფი რუსული კონტინგენტი იბრძვის "ისლამური სახელმწიფოს" წინააღმდეგ, ავიაიერიშები ხორციელდება მხოლოდ მათ პოზიციებზე. რაც შეეხება სახმელეთო ოპერაციას, კიდევ ერთხელ ვიმეორებ - ეს გამორიცხულია, თუმცა სირიის არმიას, რომელიც დიდი დანაკარგების ფასად ებრძვის ტერორისტებს, ჩვენ თანამედროვე იარაღითა და საბრძოლო მასალებით აუცილებლად დავეხმარებით", - განაცხადა რუსეთის ფედერაციის საგარეო საქმეთა მინისტრმა სერგეი ლავროვმა სირიის სამთავრობო დელეგაციასთან შეხვედრისას.

გუშინდელი დღე მრავალმხრივი დაპირისპირებითა და ბრალდებით გამოირჩეოდა: პრემიერი "ნაციონალურ მოძრაობას" სკანდალური კადრების გავრცელებაში ადანაშაულებდა, პრეზიდენტი პრემიერს - დაუმორჩილებისკენ ხალხის წაქეზებაში, მინისტრები და პარლამენტარები პრეზიდენტს - სასამართლოზე ზეწოლაში, ოპოზიცია "ქართულ ოცნებასაც" და "ნაცმოძრაობასაც" - ქვეყანაში სიტუაციის შეგნებულად არავაში და ა.შ.

ბოლო დღეებში ყველაზე აქტუალური თემა "რუსთავი 2"-ის ირგვლივ დაწყებული სასამართლო დავაა. არხის გენერალური დირექტორი ნიკა გვარამია ხელისუფლებას შანტაჟში ადანაშაულებს და აცხადებს, რომ ქვეყანაში თავისუფალი მედიის ადგილი აღარ რჩება.

"საქართველომ აირჩია ევროატლანტიკური ინტეგრაციის გზა და უნდა გააგრძელოს მყარად სვლა ამ მიმართულებით. თქვენთვის არავის უთქვამს, რომ ეს გზა იქნება ადვილი და მოკლე - ეს არის მიზანი, რომელიც დაისახა ქართველმა ხალხმა, ეს არის არჩევანი, რომლისკენაც ისწრაფვით", - განაცხადა "რეზონანსთან" ინტერვიუში ლიტვის ელჩმა საქართველოში გიედრიუს პუოჯუნასმა.

განაჩენის გამოტანის თარიღი კი კვლავ უცნობია - ტელეკომპანია "რუსთავი 2"-ის წილების საქმეზე მიმდინარე სასამართლო პროცესი ამჯერადაც აქციის ფონზე მიმდინარეობდა. სასამართლოსა და ტელეკომპანიის შენობებთან შეკრებილები სიტყვის თავისუფლების შესაძლო შეზღუდვას აპროტესტებდნენ.

როგორ დაიწყო საქართველოში ღვინის წარმოება და რა გზა განვლო ქართულმა მეღვინეობამ, ამის შესახებ რამდენიმე საინტერსო ამბავს შევახსენებთ ჩვენს მკითხველს.

"რესპუბლიკელ" ლევან ბერძენიშვილის თქმით, "რუსთავი 2"-ის ყველა ნამდვილი სახიდან, ძველი შემადგენლობიდან - ნიკა ტაბატაძე, ნათია ლაზაშვილი, ლეჟავა, რუხაძე - არც ერთი არ დარჩა, ასე ხდება ხოლმე და თუკი ტელევიზიიდან ვინმე წავა, ეს პირველი შემთხვევა არ არის.

თბილისის სახელმწიფო უნივერსტიტეტის სტუდენტების ნაწილმა საპროტესტო აქცია გამართა, რომლის მიზანი უნივერსიტეტში "სტაგნაციის დასრულება, არსებული გაუმართავი ინფრასტრუქტურისა და არაკვალიფიციური კადრების ჩანაცვლებაა".