საპარლამენტო და არასაპარლამენტო ოპოზიციურმა პარტიებმა 200 000 ხელმოწერა უკვე შეაგროვეს, რაც პარლამენტს ავალდებულებს, მაჟორიტარული სისტემის გაუქმების შესახებ საკონსტიტუციო ცვლილება განიხილოს.

წყლის წვეთი, რომლის გამოკვლევითაც მთელი წყალსაცავის მდგომარეობა ჩანს - სწორედ ამას ადარებენ პოლიტოლოგები საგარეჯოს და იქ გასამართ მაჟორიტარულ არჩევნებს და ამბობენ, რომ იგი 2016 წლის საპარლამენტო არჩევნების სავარაუდო შედეგს გვაჩვენებს.

ქიბარ ხალვაშის და და საქართველოს პარლამენტის დეპუტატი ფატი ხალვაში "რეზონანსთან" ინტერვიუში აცხადებს, რომ ქიბარ ხალვაშს თავის დროზე "რუსთავი-2"-ის ყიდვა მიხეილ სააკაშვილმა მოსთხოვა.

არაა გამორიცხული, უახლოეს წლებში დიმიტრი მედვედევსა და მიხეილ სააკაშვილზე ძებნა გამოცხადდეს და არაერთი ქვეყანა ვალდებული გახდეს, თუკი ეს პირები მათ ტერიტორიაზე შევლენ, ისინი სასამართლოს გადასცენ. ეს ყველაფერი იმ შემთხვევაში მოხდება, თუკი ჰააგის სასამართლო, რომელიც 2008 წლის რუსეთ-საქართველოს ომის გამოძიებას აპირებს, მათ, როგორც ქვეყნების უმაღლეს მთავარსარდლებს, დამნაშავეებად მიიჩნევს.

"დღეს ხელისუფლებისთვის ორი ძალა იბრძვის, ესაა: "ქართული ოცნება" და "თავისუფალი დემოკრატები", ხოლო "ნაციონალური მოძრაობა" მართლაც წარსულია ამ ქვეყანაში, რომელსაც უბრალოდ ვერ ექნება საშუალება, საზოგადოების ადეკვატური მხარდაჭერა მოიპოვოს", - ამბობს "რეზონანსთან" საუბრისას "თავისუფალი დემოკრატების" ფრაქციის თავმჯდომარე და პარტიის ერთ-ერთი ლიდერი, ირაკლი ჩიქოვანი.

"ახალი მემარჯვენეების" ერთ-ერთი ლიდერის ფიქრია ჩიხრაძის მრჩევლად დანიშვნის შემდეგ საქართველოს პრეზიდენტის გიორგი მარგველაშვილის პოლიტიკაში გააქტიურებას ვარაუდობენ. "თუ პრეზიდენტი პოლიტიკურად კიდევ უფრო გაძლიერდება და აქტიურ თამაშს წამოიწყებს, ვფიქრობ ეს მხოლოდ იმისთვის იქნება საჭირო, რომ მან, როგორც პრეზიდენტმა, ეს სახელმწიფო ინსტიტუტი უფრო გააძლიეროს", - აცხადებს გია ხუხაშვილი.

ევროკავშირისა და საქართველოს ერთობლივი მუშაობა 1992 წლიდან დღემდე უფრო და უფრო აქტიურ ფაზაში გადადის. ევროკავშირი ყოველწლიურად საქართველოში მილიონობით ევროს დებს, რომელიც ქვეყანაში სხვადასხვა რეფორმების განხორციელებისთვის იხარჯება. აღნიშნული თანხები პრიორიტეტების მიხედვით ნაწილდება, რომელსაც სახელმწიფო თავად ადგენს.

"როგორ შეგიქმნათ რამდენიმე წამში წარმოდგენა იმ სამონასტრო ძეგლებზე, რომლებიც ქმნიან კომპლექსს და შეიცავენ ხელოვნების ღირშესანიშნაობებს! ამ ძველ კედლებს შორის, რომლებიც საქართველოს ისტორიის ამდენი ეპიზოდის, აყვავების, ზეიმის მომსწრებნი არიან" - ამ სიტყვებით წარსდგა ორი საუკუნი წინ ცნობილი ფრანგი მეცნიერი ბარონ დე ბაი პარიზის გეოგრაფიული საზოგადოების წინაშე.

ჰააგის საერთაშორისო სასამართლოს პროკურორი ფატუ ბენსუდა 2008 წლის რუსეთ-საქართველოს ომის გამოძიებას ორ ეპიზოდში ითხოვს, სადაც ერთ-ერთში ქართველი შეიარაღებული ძალების შესაძლო დანაშაულზეა საუბარი. პროკურორის თქმით, რუსეთ-საქართველოს ომის დროს ე.წ. სამხრეთ ოსეთისა და საქართველოს შეიარაღებულმა ძალებმა სამხედრო დანაშაული ჩაიდინეს, რაც გამოიხატა მშვიდობისმყოფელთა მისიის წარმომადგენლებსა და მათ ობიექტებზე თავდასხმაში. რუსეთი ეთნიკურ წმენდაში მონაწილეობაშია ეჭვმიტანილი, რასაც 113 მშვიდობიანი მოქალაქე შეეწირა, 18500 კი იძულებით გააძევეს საკუთარი სახლებიდან.

"ეს ჭორი და დეზინფორმაცია მოდის საქართველოს ხელისუფლებისა და "ქართული ოცნებისგან". თანაც, ძალიან აშკარად და დაუფარავად. მათ უნდათ, რომ დღეს საქართველოში ორი ფერი იყოს - შავი და თეთრი. შავი იქნება "ნაციონალური მოძრაობა", ხოლო თეთრი, მათი აზრით, "ქართული ოცნება" უნდა იყოს. ჩვენი პარტია, როგორც სხვა ფერი, არ უნდათ, რომ არსებობდეს, რადგანაც ხალხს ახალი იმედი ჩაესახა," - აცხადებს "თავისუფალი დემოკრატების" წევრი გია ცაგარეიშვილი მედიაში გავრცელებული იმ ინფორმაციის საპასუხოდ, რომლის თანახმადაც, ალასანიას პარტია იშლება, რადგან მისი ლიდერი და წევრების ნაწილი "ნაციონალურ მოძრაობასთან" აპირებენ პირის შეკვრას და მათთან ერთად აქციებში მონაწილეობას.

სირიაში რუსეთის მიერ დაწყებული ე.წ. ანტიტერორისტული ოპერაციების შემდეგ შესაძლოა, იმავე მიზეზით კრემლის სამიზნე საქართველოც გახდეს. როგორც ქართველი ექსპერტები აცხადებენ, რუსეთი უკვე ღია მინიშნებას აკეთებს, რომ საქართველოს მეშვეობოთ ისლამისტები სირია-რუსეთის მიმართულებით მარტივად გადაადგილდებიან და ეს მოსკოვიდან პროვიკაციის მოწყობის საშიშროებას აჩენს - დიდი რისკია იმისა, რომ რუსეთმა ანტიტერორისტული ოპერაციის სამიზნედ პანკისის ხეობა აირჩიოს.

უმრავლესობის წევრი გია ვოლსკი აცხადებს, რომ საკონსტიტუციო სასამართლოს გადაწყვეტილება, წარმოებაში მიეღო ეროვნული ბანკის ახალი კანონის წინააღმდეგ შეტანილი სარჩელი, პოლიტიკურად ანგაჟირებულია და სასამართლოს თავმჯდომარე გიორგი პაპუაშვილი ამჯერედაც "ნაციონალური მოძრაობის" ზეგავლენის ქვეშ მოექცა. ეჭვობს, რომ საკონსტიტუციო სასამართლო საბოლოოდ ამ კანონს არაკონსტიტუციურად გამოაცხადებს.