"ასოცირების ხელშეკრულების" ხელმოწერის შემდეგ, ევროკავშირის მიერ გამოყოფილი თანხები, სწორედ ამ ხელშეკრულების პრიორიტეტის მიხედვით ნაწილდება. ხელშეკრულება ქვეყანას ერთგვარ მიმართულებას აძლევს, იმისათვის, რომ საქართველოს ევროინტეგრაციის გზაზე კიდევ უფრო მეტი წინსვლა ჰქონდეს. მიმდინარე პროექტები სწორედ "ასოცირების შესახებ შეთანხმების" მიხედვით ხორციელდება.

5 მომხრე, 4 წინააღმდეგი - საკონსტიტუციო სასამართლომ ახლახან ამოქმედებული ფინანსური ზედამხედველობის სამსახურის საქმიანობა დაბლოკა. სააგენტოს შექმნის რეალური მიზანი, ეროვნული ბანკის პრეზიდენტს გიორგი ქადაგიძის მიმართ უნდობლობა იყო. შესაბამისად, ახლად ამოქმედებულ სააგენტოს უნდა გამოერკვია ვალუტის მკვეთრი გაუფასურების მიზეზები და "ხელი შეეწყო" კურსის სტაბილურობისთვის. ახლა ეს გეგმა თავდაყირა დადგა.

საქართველოს მთავრობამ აქამდე რამდენჯერმე მიმართა სარჩელით საერთაშორისო სასამართლოებს რუსეთის ხელისუფლების წინააღმდეგ. აქედან ერთი საქმე ქართული მხარის გამარჯვებით დასრულდა, თუმცა, ოფიციალური მოსკოვი განაჩენს არ ცნობს და მის აღსრულებაზე ჯერჯერობით უარს ამბობს.

დასაშვებია თუ არა, საერთაშორისო დანაშაულში ეჭვმიტანილი ე.წ. შეკერილი საქმეებით გაანეიტრალო და სად გადის ზღვარი საერთაშორისო ტერორიზმის შესაძლო საფრთხესა და ადამიანის უფლებათა დაცვას შორის - მსოფლიოში ტერორიზმის საფრთხის მატებასთან ერთად ეს კითხვა საკმაოდ აქტუალურია.

2012 წლის საპარლამენტო არჩევნებამდე საქართველოდან აშშ-ში ლობისტურ საქმიანობაზე 2,73-ჯერ მეტი საბიუჯეტო თანხა იხარჯებოდა, ვიდრე არჩევნების შემდეგ. შესაბამისად, პოლიტოლოგების თქმით, ქვეყნისათვის თუ ხელისუფლებისათვის სასარგებლო ეფექტი შემცირებულია და ამას თავად ხელისუფლებაშიც აღიარებენ. მათი თქმით, ამ მხრივ ჩავარდნები აქვთ და ახლა სიტუაციის გამოსწორებას ცდილობენ.

სამინისტროებსა და სხვადასხვა უწყებებში შესაძლებელია კადრების შემცირება დაიწყოს. საქართველოს გარემოს და ბუნებრივი რესურსების დაცვის მინისტრი გიგლა აგულაშვილი ფიქრობს, რომ სახელმწიფო სამსახურებში კადრების ოპტიმიზაცია კარგი გამოსავალია, რადგან ბევრგან შტატები გაბერილია.

ეროვნული ბანკის შესახებ ახალი კანონის მოქმედება შესაძლოა, უახლოეს დღეებში დროებით შეჩერდეს. ამის მიზეზია "თავისუფალი დემოკრატებისა" და "ნაციონალური მოძრაობის" მიერ ერთობლივად ინიცირებული სარჩელი საკონსტიტუციო სასამართლოში, რომელიც ამ კანონის ანტიკონსტიტუციურად ცნობას ითხოვს.

საზოგადოებრივი მაუწყებლის საინფორმაციო სამსახურის ახალ ხელმძღვანელს, გიორგი გვიმრაძეს მისი პრორუსული ორიენტაციის შესახებ მოსაზრებების გაჩენა უცნაურად მიაჩნია და ამბობს, რომ საამისოდ საზოგადოებას საფუძველი არ ჰქონია. როგორც მან "მთელ კვირას" განუცხადა, წლებია უკვე ანალიტიკური საქმიანობითაა დაკავებული და მისი მკაფიო პროდასავლური მისწრაფებები "ევრაზიული კავშირის" მიერ ორგანიზებულ ღონისძიებაზეც გამოჩნდა, რომელიც სომხეთის დედაქალაქ ერევანში რამდენიმე ღონისძიების სახით ჩატარდა.

უკვე თითქმის ოთხი წელია, რაც საქართველოში სამხედრო-სამეცნიერო ტექნიკური ცენტრი "დელტა" ფუნქციონირებს. ამ დროის განმავლობაში მან ასობით დასახელების სამხედრო, სასოფლო-სამეურნეო თუ სამოქალაქო დანიშნულების პროდუქცია შექმნა, რომელთა ნაწილიც უკვე წარმატებით გამოიყენება სხვადასხვა დარგებში როგორც საქართველოში, აგრეთვე მის ფარგლებს გარეთაც.

დიღმის მასივის მოსახლეობის ნაწილმა და "დემოკრატიის ინსტიტუტის" წარმომადგენლებმა თბილისის მერიასთან აქცია გამართეს. ისინი "მწვანე სკოლის" მიმდებარე ტერიტორიაზე სამშენებლო კომპანია "ჰაუსარტის" მიერ ორი მრავალსართულიანი საცხოვრებელი კომპლექსის აშენებას აპროტესტებდნენ.

10 ოქტომბერს, ჰოსპისისა და პალიატიური მზრუნველობის მსოფლიო დღეს, საქართველოში საფუძველი ბავშვთა პირველი ჰოსპისის მშენებლობას ჩაეყარა. ჰოსპისი იქნება პირველი სახლი, სადაც ქრონიკული და უკურნებელი სენით დაავადებული ბავშვები და მათი ოჯახები პალიატიური მზრუნველობის მომსახურებას სრულიად უფასოდ მიიღებენ. დაწესებულების მშენებლობა სოფელ დიღომში უკვე დაიწყო და ამ პროცესში მონაწილეობა პირველმა ლედიმ მაკა ჩიჩუამ, ფონდი "ღია საზოგადოება - საქართველოს" დირექტორმა ქეთი ხუციშვილმა და "სამედიცინო კორპორაცია ევექსის" გენერალურმა დირექტორმა ნიკოლოზ გამყრელიძემ მიიღეს.

დღეიდან საქართველო-რუსეთის რკინიგზის აფხაზეთის მონაკვეთი - მდინარე ფსოუდან მდინარე ენგურამდე - სრულად გაწმენდილი და შეკეთებულია. რუსეთის სარკინიგზო ჯარებმა ეს სამუშაო დაგეგმილზე 2 თვით ადრე დაასრულეს და უახლოეს დღეებში დატოვებენ აფხაზეთს. იმ ფონზე, როდესაც საქართველოს ხელისუფლება კატეგორიულად უარყოფს აფხაზეთის რკინიგზის გახსნაზე ოფიციალურ მოსკოვთან ყოველგვარ მოლაპარაკებას, ჩნდება ლოგიკური კითხვა - რატომ დაახარჯეს რუსებმა ფული და ადამიანური რესურსი ამ სარკინიგზო მონაკვეთის აღდგენას.