რუსული კვლევითი ორგანიზაცია "ლევადა-ცენტრის" მიერ ჩატარებული გამოკითხვის თანახმად, რუსეთის მოსახლეობის დაახლოებით ნახევარი სამხრეთ ოსეთსა და აფხაზეთს დამოუკიდებელ სახელმწიფოებად მიიჩნევს.

დღეიდან 12 ოპოზიციური პარტია მაჟორიტარული სისტემის გაუქმების მოთხოვნით ხელმოწერების შეგროვებას იწყებს. აპირებენ, რომ დაახლოებით ერთ თვეში მთელი ქვეყნის მასშტაბით 200 000 ხელმოწერა შეაგროვონ და შემდეგ უკვე საარჩევნო რეფორმის მოთხოვნით პარლამენტში საკონსტიტუციო წინადადება შეიტანონ. ამის შესახებ "რეზონანსთან" საუბრისას საპარლამენტო ფრაქცია "თავისუფალი დემოკრატების" თავმჯდომარე ირაკლი ჩიქოვანმა ისაუბრა.

დიდი ურთიერთლანძღვა-ბრალდებებით ვეტოდაძლეული "ეროვნული ბანკის შესახებ" კანონის წინააღმდეგ ბრძოლის მორიგი რაუნდი დაიწყო - "თავისუფალი დემოკრატებისა" და "ნაციონალების" ერთობლივი სარჩელი, რომლესაც 39 დეპუტატი აწერს ხელს, საკონსტიტუციო სასამართლოში სამშაბათს შევა და გიგი უგულავას საქმეზე ხელისუფლების სურვილის საწინააღმდეგოდ მიღებული გადაწყვეტილების შემდეგ ოპოზიციას დიდი მოლოდინი აქვს, რომ ახლად მიღებული კანონის არაკონსტიტუციურად ცნობას გიორგი პაპუაშვილის უწყება აუცილებლად მოახდენს.

განათლების სამინისტრომ ახალი რეგულაცია შეიმუშავა, რომლის მიხედვითაც კერძო სკოლებიდან პირველკლასელებს საჯაროში სკოლებში გადასვლის უფლება შეეზღუდებათ. თუმცა, მეორე კლასიდან მათ კერძოს საჯარო სკოლით შეცვლის უფლება ექნებათ. ეს გადაწყვეტილება იმ მხრივაა საინტერესო, რომ წელს პირველ კლასში მხოლოდ ის ბავშვები მიიღეს, რომელთაც 6 წელი სასწავლო წლის დაწყებამდე შეუსრულდათ.

"ქართული ოცნება" მთავარი პროკურორის შეცვლაზე იწყებს მსჯელობას. კულუარული ინფორმაციით, გიორგი ბადაშვილის შემცვლელად იუსტიციის მინისტრი თეა წულუკიანი სამ კანდიდატურას განიხილავს - სასჯელაღსრულების მინისტრ კახი კახიშვილს, მოქმედი პროკურორის პირველ მოადგილე ირაკლი შოთაძესა და ანტიკორუფციული პალატის თავმჯდომარე პაატა შავაძეს. აქედან ერთ-ერთს, ახალი წესის მიხედვით, რომელიც პარლამენტმა მესამე მოსმენით უკვე მიიღო, 15-კაციანი პროკურორთა საბჭო მთავარი საგამოძიებო უწყების ხელმძღვანელად აირჩევს.

ნიუ-იორკში გაეროს გენერალურ ასამბლეაზე საქართველოდან ორი დელეგაცია გაემგზავრება. ერთს პრემიერ-მინისტრი ირაკლი ღარიბაშვილი, მეორეს კი პრეზიდენტი გიორგი მარგველაშვილი უხელმძღვანელებს. ექსპერთა აზრით, ეს ფაქტი, კიდევ ერთი ნიშანია იმის, რომ პრეზიდენტსა და პრემიერს შორის მწვავე დაპირისპირებაა და ქვეყნის იმიჯზე უარყოფითად მოქმედებს.

პარლამენტის ვიცე-სპიკერმა და უმრავლესობის წვერმა მანანა კობახიძემ "მთელ კვირასთან" ინტერვიუში საკონსტიტუციო სასამართლოს გადაწყვეტილებასა და გიგი უგულავას შესახებ ისაუბრა. მისი თქმით, საკონსტიტუციო სასამართლოს გადაწყვეტილება სწორი და დროული იყო. თუმცა, დეპუტატი ამბობს, რომ წინა წლების განმავლიბაში თავად საკონსტიტუციო სასამართლო არასდროს დაინტერესებულა იმ ადამიანების ბედით, რომლებიც წლების განმავლობაში უკანონო პატიმრობაში იყვნენ და სწორედ ამ ნორმის გასაჩივრებას მოითხოვდნენ.

უკრაინის ტერიტორიული მთლიანობისათვის წარმოებულ ბრძოლებში გამოჩენილი თავდადებისა და გმირობისათვის, ქვეყნის სამხრეთ-აღმოსავლეთ რეგიონებში პრორუსი სეპარატისტების წინააღმდეგ მებრძოლი "ქართული ლეგიონის" მეთაურ, მამუკა მამულაშვილს უკრაინის ეროვნული გმირის წოდება მიენიჭა.

თბილისის მერიის ჯანდაცვისა და სოციალური მომსახურების საქალაქო სამსახურის ხელმძღვანელი გელა ჩივიაშვილი აცხადებს, რომ ნოემბრის დასაწყისში ლილოს მიმდებარე ტერიტორიაზე დაწყებული მიუსაფართა თავშესაფრის მშენებლობის პროცესი დასრულდება, რომელშიც დასაწყისისთვის მოსკოვის გამზირზე მდებარე "კარვების ქალაქის" მცხოვრებლები განთავსდებიან, ხოლო დანარჩენი მსურველის საცხოვრებელში დაბინავება სხვადასხვა კრიტერიუმის დაკმაყოფილების შემდგომ, ეტაპობრივად მოხდება.

30-წლიანი პაუზის შემდეგ, მალე თბილისს განვითარების გენერალური გეგმა ექნება. ცნობილია იმ კომპანიების კონსორციუმის შემადგენლობა, რომელიც დედაქალაქისათვის უმნიშვნელოვანეს დოკუმენტს 18 თვეში დადებს. გამარჯვებული სპეციალურმა კომისიამ რამდენიმეეტაპიანი კონკურსის შედეგად გამოავლინა.

ხელისუფლებას შეეძლო საკონსტიტუციო სასამართლოს პროგრესული გადაწყვეტილება პოზიტიურად გამოეყენებინა, ამის ნაცვლად მან ეს ნეგატიურად გამოიყენა, - ასეთია ექსპრემიერის ყოფილი მრჩეველის, პოლიტოლოგ გია ხუხაშვილის აზრი საკონსტიტუციო სასამართლოს გადაწყვეტილებაზე.

ერთდღიანი თავისუფლების შემდეგ თბილისის ყოფილი მერი გიგი უგულავა ისევ მატროსოვის ციხეში დააბრუნეს. რიყის ტერიტორიისა და "თბილსერვისის" საქმეზე თბილისის საქალაქო სასამართლომ უგულავას მიმართ ნაწილობრივ გამამტყუნებელი განაჩენი გამოიტანა და საბოლოოდ სასჯელის სახედ და ზომად 4 წელი და 6 თვე შეეფარდა. ბრალდებულის ადვოკატი საქმის გასაჩივრებას სააპელაციოში აპირებს, ყველა ინსტანციის მოვლის შემდეგ კი ადვოკატი ბექა ბასილაია არ გამორიცხავს, რომ სარჩელი სტრასბურგის სასამართლოში გააგზავნოს.