საქართველოს მთავრობასა და გლობალურ ფონდს შორის, რომელიც შიდსთან, ტუბერკულოზსა და მალარიასთან ბრძოლის მიმართულებით მუშაობს, ჩარჩო ხელშეკრულება გაფორმდა, რაც სახელმწიფოს მხრიდან მკურნალობის ეტაპობრივად სრულ დაფინანსებას ითვალისწინებს.

ტურისტული კომპანიების ნაწილს ღვინის ტურზე მოთხოვნა შეუმცირდა. მიზეზად საგარეო ფაქტორებს, საქართველოსთვის ორ ძირითად ქვეყანაში რუსეთსა და უკრაინაში ეკონომიკურ-პოლიტიკურ კრიზისს, ასევე ქვეყნის შიგნით და გარეთ ვალუტის გაუფასურებას ასახელებენ. ზოგიერთი კომპანია, პირიქით, ტენდენციის ზრდაზე საუბრობს და აცხადებს, რომ ღვინის ტურების მიმართ ინტერესი ყოველწლიურად მატულობს.

გაზზე მომუშავე ავტომობილების შემოწმება იწყება, რომელსაც, სავარაუდოდ, სანქციები და დაჯარიმებაც მოჰყვება. როგორც გუშინ გახდა ცნობილი, "გაზიანმა ავტომობილებმა" ტექნიკური შემოწმება 2016 წლის 1-ელ აპრილამდე უნდა გაიარონ. ახალმა რეგულაციამ მძღოლებში დიდი ვნებათაღელვა გამოიწვია.

"რეცეპტული სისტემის ამოქმედების შემდეგ ე.წ. სააფთიაქო ნარკომანია მნიშვნელოვნად შემცირდა, მაგრამ არ შეწყდა", - ამბობს "რეზონანსთან" საუბრისას ნარკოლოგი გელა ლეჟავა და საქართველოს ხელისუფლებას ამ მიმართულებით კიდევ უფრო მეტი ძალისხმევისკენ მოუწოდებს.

უნივერსიტეტში სტუდენტებს სასწავლო პროგრამის შედგენისას პრობლემა ექმნებათ. ისინი ხშირად სასურველი საგნისა და ლექტორის გარეშე რჩებიან, რადგან მისი არჩევა დასწრებაზეა. ვინც სისხარტეს გამოიჩენს, ის შეძლებს სრულყოფილად პროგრამის გავლას. სტუდენტები ამ მეთოდს აპროტესტებენ და აცხადებენ, რომ ეს სწავლის ხარისხზე უარყოფითად აისახება. სპეციალისტების ნაწილიც მიიჩნევს, რომ უნდა მოხდეს უპირატესობის მინიჭება იმ სტუდენტებისთვის, რომლებიც კარგი სწავლით გამოირჩევიან.

ტურიზმი, აგრარული, ხელოვნება და ინჟინერია - ეს ის მიმართულებებია, რომლებსაც პროფესიულ პროგრამაზე სწავლის მსურველები ანიჭებენ უპირატესობას.

ავტომობილებზე "ევრო 4"-ის სტანდარტის დაწესება, მარჯვენასაჭიანების იმპორტის შეზღუდვა, მაღალი გამავლობის ავტომობილებზე ან მათ პარკინგზე სპეციალური გადასახადის დაწესება და ტექნიკური დათვალიერება - ეს ის საკითხებია, რომლებიც, სპეციალისტების აზრით, დედაქალაქს სატრანსპორტო ჩიხიდან გამოიყვანს. პარალელურად აუცილებლად უნდა მოხდეს ინფრასტრუქტურისა და საზოგადოებრივი ტრანსპორტის განვითარება, სხვა შემთხვევაში, თბილისი ავტოკოლაფსისგან თავის დაზღვევას კიდევ დიდხანს ვერ მოახერხებს.

მთავრობამ კახელი გლეხების გული ვერც სარეალიზაციო პუნქტების გახსნით მოიგო. მიუხედავად იმისა, რომ პროტესტი ჩაცხრა და გლეხები არსებულ მდგომარეობას შეურიგდნენ, როგორც ფასით, ასევე რეალზიაციითაც უკმაყოფილო არიან.

თბილისის გენერალურ გეგმაზე მუშაობა იწყება. "სტაბილურობიდან მდგრადობამდე" - ამ დევიზით უნდა შეიქმნას თბილისის გენგეგმა. მერიის მიერ შექმნილი სპეციალური კომისიის გადაწყვეტილებით, უპირატესობა იურიდიულ პირთა გაერთიანება "მომავლის ქალაქს" მიენიჭა. კონკურსში გამარჯვებულს პროექტისთვის საბოლოო სახის მისაცემად 18 თვე აქვს. გეგმაში ყველა ის პრობლემა უნდა იყოს გათვალისწინებული, რომელიც დღეს დედაქალაქშია - საცობები, რეკრეაციული ზონების სიმცირე და ასე შემდეგ.

კონცერტები, გამოფენები, ბაზრობები და სხვადასხვა კუთხის მიერ წარმოდგენილი ღირსშესანიშნაობები - ასეთია თბილისობის ზოგადი სახე. თბილისობა 2015-ის თემატიკა კონკურსის წესით შეირჩა. ზეიმი 17-18 ოქტომბერსაა დაგეგმილი. ცენტრალური კონცერტი რიყეზე გაიმართება, ხოლო თბილისის თითქმის ყველა რაიონში სხვადასხვა ღონისძიებებია დაგეგმილი.

ზაფხულის პერიოდში თბილისის ქუჩებში დაწყებული სარეაბილიტაციო სამუშაოები დროში იჭიმება, რაც საცობების პრობლემას ზრდის და დისკომფორტს უქმნის როგორც მძღოლებს, ასევე ქვეითებს. აღდგენითი სამუშაოებისგან გამოწვეულ პრობლემას ვერ ხედავენ მერიის წარმომადგენლები და აცხადებენ, რომ ყველაფერი სწრაფად და შეუფერხებლად მიმდინარეობს, მოსახლეობის მხრიდან პანიკა უსაფუძვლოა.

როგორც კვლევები ამტკიცებს, დღის განმავლობაში ფეხით სულ მცირე გასეირნებაც კი უკეთესია, ვიდრე სრული პასიურობა. ფეხით სიარული ჯანმრთელობის საწინდარია. ჰიპოკრატე ფეხით სიარულს ადამიანისთვის საუკეთესო სამკურნალო საშუალებად მიიჩნევდა.