აღდგომა დღესასწაულთა შორის უპირველესია, როდესაც ყველა ადამიანი ცდილობს დასვენების დღე ოჯახთან ერთად გაატაროს. მოსახლეობის უმრავლესობა სპეციალურად ამ დღეს ქალაქს ტოვებს და რაიონში წინაპრების საფლავზე გადის. წინა წლებთან შედარებით, ამჯერად ამ ტრადიციის მიმდევართა რიცხვი გაცილებით ნაკლები იყო. ამის მთავარი მიზეზი ფინანსური სიდუხჭირე გახლდათ. ადამიანებს ფინანსურმა მდგომარეობამ საშუალება აღარ მისცა, წინაპრების ხსოვნისთვის ჯეროვანი პატივი მიეგოთ.

უხარისხო და მავნე საკვებმა პრუდუქტმა ახალი საფიქრალი გაუჩინა კაცობრიობას: რამდენად ჯანსაღია ის პროდუქტები, რომლითაც პრაქტიკულად ყოველდღიურად ვიკვებებით? ეს კითხვა ყველა ჩვენგანს აწუხებს, რადგან ადამიანის ჯანმრთელობისათვის მავნე პროდუქტების რაოდენობამ უკვე პიკს მიაღწია.

ახალი საცხოვრებელი კორპუსების საექსპლოატაციო ვადა, საშუალოდ, 60-80 წელია. მშენებლები ამ მაჩვენებელს გამოყენებული სამშენებლო მასალის ხარისხისა და კონსტრუქციული გათვლებით განსაზღვრავენ. საექსპლუატაციო ვადა, როგორც ნორმა კანონმდებლობაში გათვალისწინებული არ არის და სამშენებლო კომპანია ასეთი ვალდებულებისგან აბსოლუტურად თავისუფალია. რამდენად გაუძლებს შენობა დროს, არავინ იცის და ყველაფერი მშენებელთა კეთილ ნებაზეა დამოკიდებული.

რა პროფესიები მოსწონთ და რას ირჩევენ ყველაზე ხშირად აბიტურიენტები ეროვნულ გამოცდებზე? სპეციალისტები ამბობენ, რომ ამა თუ იმ პროფესიის არჩევის მთავარ ხიბლს მაღალი ანაზღაურება წარმოადგენს. როგორც განათლების ექსპერტმა სიმონ ჯანაშიამ "რეზონანსთან" საუბრისას აღნიშნა, საზოგადოების განწყობა პროფესიების მიმართ, იქიდან გამომდინარე იცვლება, თუ რას ხედავენ მედიით და რომელი პროფესიის ადამიანები აღიქმებიან წარმატებულებად.

"ვასაძის ფონდი ერის შეჯვარებას იწყებს", "ძალით გვაოჯახებენ, ხალხო", "ვინც არ დაოჯახდება, დაიბეგრება", "სამაჭანკლო ფირმა" - ასეთი რეაქცია მოჰყვა ლევან ვასაძის ინიციატივას დასაოჯახებელი ადამიანების აღრიცხვის თაობაზე. ოცდამეერთე საუკუნეში გარიგების ეს ფორმა საზოგადოებაში განხილვის საგნად იქცა და არაერთგვაროვანი შეფასებებიც მოჰყვა. ზოგიერთი ინიციატივას დადებითად, ნაწილი - კრიტიკულად, უმეტესობა კი ირონიულად იყურებს.

"მადლი ჰქენი, დააპურე საქართველო", "მადლიანი კალათა", "სოციალური მაცივარი" - ქველმოქმედებამ განსხვავებული სახე მიიღო. ხალხი ფინანსური დახმარების ნაცვლად, გაჭირვებულთათვის ხელის გამართვას სულ სხვაგვარად ცდილობს. ზოგი ეკლესიებში, ქალაქში განთავსებულ "სოციალურ მაცივრებში" საკვებ პროდუქტს ტოვებს. არის შემთხვევები, როცა მსურველს უფასო სამედიცინო კონსულტაციას, მალამოებსაც კი სთავაზობენ. ეს ინიციატივა მოდის მრევლისგან, რასაც ეკლესიაც უწყობს ხელს. სხვა სახის დახმარებასთან ერთად, ზოგიერთ ტაძარში ახალგაზრდებისთვის არის საგანმანათლებლო წრეებიც.

საქართველოს ყველაზე ღარიბი რეგიონი რაჭა-ლეჩხუმია, იქ სოციალურ შემწეობას რეგიონის მოსახლეობის 44%-ზე მეტი იღებს. ღარიბი მოსახლეობის სიმცირით კი სამცხე-ჯავახეთი გამოირჩევა, სადაც სოციალურ შემწეობას რეგიონის მოსახლეობის მხოლოდ 6,5% იღებს, შემდეგია თბილისი - 7,3%, მესამე ადგილს კი ქვემო ქართლი იკავებს - 8%.

ყვარლის მუნიციპალიტეტის სოფელ გავაზში მოსულმა უხვმა ნალექმა, ადგილობრივი მდინარის ადიდება გამოიწვია, რის გამოც სოფელში 30-მდე სახლი და ეზო დაიტბორა. გავრცელებული ინფორმაციით, ამ დროისთვის მდგომარეობა სტაბილურია და სახლებიდან წყლის ამოტუმბვა უკვე დასრულებულია.

აღდგომის ბრწყინვალე დღესასწაულთან დაკავშირებით საქალაქთაშორისო ტრანსპორტი აქტიურ რეჟიმში მუშაობს. ერთი შეხედვით ჩანს, რომ მგზავრთა რაოდენობა დიდია, მაგრამ ავტოსადგურების ხელმძღვანელობა შედეგით აშკარად უკმაყოფილოა. როგორც ავტოსადგურების დირექტორებმა "რეზონანსს" განუცხადეს, შარშანდელთან შედარებით, სიტუაცია მცირედითაც არ შეცვლილა და მგზავრთა ნაკადიც აბსოლუტურად ისეთივეა, როგორიც წინა წლის ანალოგიურ პერიოდში იყო.

ენერგეტიკული სასმელი - ეს არის გაზირებული, უალკოჰოლო ან მცირეალკოჰოლიანი სასმელი, რომელიც ნერვული სისტემის სიმულირებას იწვევს. მის შემადგენლობაში შედის ნახშირწყლები და ქიმიური დანამატები: არომატიზატორები, კონსერვანტები გემოს გამაძლიერებლები და ქიმიური საღებავები.

რაც დრო გადის, ახალგაზრდებში ჯანმრთელობის პრობლემა მკვეთრად უარესდება, რის გამოც მათ დროდადრო სხვადასხვა სამედიცინო ჩარევა სჭირდებათ. სტატისტიკური მონაცემების მიხედვით, ახალგაზრდების ექიმებთან ვიზიტი საკმაოდ მზარდია. სამედიცინო პერსონალი და უფროსი თაობა ამ რეალობით შეშფოთებულნი არიან. ისინი ახალგაზრდებში ჯანმრთელობის გაუარესების ძირითად მიზეზად ქვეყანაში შექმნილ ეკოლოგიურ მდგომარეობას ასახელებენ.

დედაქალაქის მცხოვრებთა დიდი ნაწილი ჩივის, რომ ნაკლებად ხდება რეაგირება ისეთი სახის დარღვევებზე, როგორებიცაა საზოგადოებრივი თავშეყრის ადგილებში ალკოჰოლური სასმელების მიღება, ქუჩაში ნაგვის დაყრა, საჭესთან მობილური ტელეფონით სარგებლობა, ზებრა გადასასვლელზე ქვეითებისთვის გზის მოჭრა. ამგვარი წვრილ-წვრილი ჩამონათვალი საკმაოდ დიდია, არადა, ყველა მათგანზე შესაბამისი სანქცია არსებობს და ჯარიმაც არცთუ მცირეა. რესპონდენტები შესაბამისი უწყებების მხრიდან პასიურობას საარჩევნო პერიოდს უკავშირებენ.