სამსახურის მაძიებელი სტუდენტები და არა მარტო სტუდენტები, დამსაქმებელი კომპანიების მიმართ უკმაყოფილებას გამოხატავენ. ამის მთავარი მიზეზი მათ მიერ გამოცხადებული ვაკანსიებია, სადაც სამუშაო გამოცდილება ასაკთან შეუსაბამოა. ამგვარი მოთხოვნები კი მიზეზია იმისა, რომ ქვეყანაში უმუშევრთა რაოდენობა არ იცვლება.

მეცნიერთა აზრით, ყოველდღიურად საშუალოდ 11 საათის განმავლობაში მჯდომარე პოზიციაში ყოფნა ადრეული სიკვდილის რისკს 40%-ით ზრდის იმ ადამიანებთან შედარებით, რომლებიც ასეთ მდგომარეობაში დღეში მხოლოდ 6 ან ნაკლებ საათს ატარებენ.

გარდა იმისა, რომ პოლიეთილენის პარკებით დაბინძურებული გარემო ცუდი სანახავია, მას საკმაოდ დიდი ზიანის მიყენება შეუძლია როგორც ბუნებისთვის, ისე ადამიანის ჯანმრთელობისთვის. პოლიეთილენის თვითაალებისას, სიცოცხლისთვის საშიში, მათ შორის კიბოს გამომწვევი მავნე ნივთიერებები გამოიყოფა.

საქართველოს ზრდასრული მოსახლეობის 85%-ს საფინანსო სტრუქტურების ვალი აქვს, აქედან უმეტესობას 2 ან 3 კრედიტი გააჩნია. უმრავლესობა სასეხსო მომსახურებაში შემოსავლის 30-60%-ს იხდის, რაც ძალიან დიდი მაჩვენებელია. სპეციალისტები ამ ციფრს საგანგაშოს უწოდებენ და სახელმწიფო რეგულაციების დაწესებისკენ მოუწოდებენ. მათი მტკიცებით, საქართველოში, ისევე როგორც ცივილურ ქვეყნებში ერთი ადამიანის საკრედიტო ტვირთი 25-30%-ს არ უნდა აღემატებოდეს.

სამშენებლო კომპანიები 12 და 14-სართულიან შენობებს აღარ სჯერდებიან და მრავალფუნქციური, 35-40-სართულიანი ცათამბჯენების მშენებლობაზე უჭირავთ თვალი. მათი აგება, ძირითადად, ცენტრალურ უბნებში იგეგმება. უზარმაზარი შენობებით გამწვანებული ადგილების ჩანაცვლებას, თბილისელებთან ერთად, პარტიზანული მებაღეობაც აპროტესტებს. ისინი სკვერების დაბრუნებას და უკეთესი ეკოლოგიური გარემოს შექმნას ითხოვენ.

სარემონტო სამუშაოებისთვის საგაზაფხულო სეზონი წარუმატებლად დაიწყო. შარშანდელთან შედარებით, წელს მოსახლეობა ძალიან პასიურია. მიუხედავად იმისა, რომ სამშენებლო მასალები არ გაძვირებულა, ხალხს უფულობა არ აძლევს საშუალებას საცხოვრებელი სახლის განახლებაზე იზრუნოს.

მოსახლეობა დაბნეულია. ხალხმა არ იცის, რითი იკვებოს. ირგვლივ, ძირითადად, ჯანმრთელობისთვის საზიანო პროდუქტი იყიდება. ადამიანებს ალღომაც უმტყუნა და ისინი სპეციალისტებისგან რჩევას ითხოვენ. "რეზონანსი" სურსათის უვნებლობის საკითხით მას შემდეგ დაინტერესდა, რაც ხალხის პოზიციას გაეცნო. რა ვჭამოთ და რომელია ჯანსაღი პროდუქტი - რაც დრო გადის, ეს კითხვა სულ უფრო აქტუალურია.

როგორ გავხადოთ საცხოვრებელი გარემო მაქსიმალურად კომფორტული ისე, რომ გარესამყაროსა და ეკოლოგიას ზიანი არ მივაყენოთ? ეს კითხვა ადამიანს დიდი ხანია მოსვენებას არ აძლევს. ეს საკითხი საქართველოშიც მეტად აქტუალურია. აქ ეკოლოგიას ეკონომიკური ფაქტორიც ემატება. სამწუხაროდ, ჩვენი ქვეყანა ენერგორესურსებით ღარიბია. ამ სფეროში ის იმპორტდამოკიდებულია. თუმცა, როგორც აღმოჩნდა, გამოსავალი არის. ის საკმაოდ ეფექტური, მარივი, იაფი და, რაც მთავარია, გარემოსათვის სრულიად უსაფრთხოა.

ქუთაისში, ზურაბ ჟვანიას სახელობის სახელმწიფო ადმინისტრირების სკოლაში ჟურნალისტებითვის ორდღიანი მედიატური მოეწყო. სპეციალურად დაგეგმილი ღონისძიებების ფარგლებში მედიის წარმომადგენლები სკოლის საქმიანობას, მიმდინარე სასწავლო პროგრამებსა და უახლოეს გეგმებს გაეცნენ.

საღებავები, მეტალოპლასტმასი, ლამინატი, ბეტონი - სპეციალისტები საქართველოში მომწამვლელი სამშენებლო-სარემონტო მასალების არსებობაზე საუბრობენ. ქვეყანაში არ მოქმედებს არც ერთი უწყება, რომელიც ასეთი მასალების ხარისხსა და უსაფრთხოებაზე იქნება პასუხისმგებელი.

2017 წლიდან ყველა "ტაქსისტს" სავალდებულო რეგისტრაციის გავლა მოუწევს. ევროპის ყველა ქვეყანაში ტაქსების ბიზნესი რეგულირებულია და ტარიფიც მოსახლეობის ცხოვრების დონის შესაბამისადაა დადგენილი.

საქართველოში ბოლო 4 წლის განმავლობაში ღარიბ-ღატაკთა რაოდენობა მოალოდნელად 22-23%-ით შემცირდა. თუ 2012 წელს საარსებო შემწეობას 501 445 ადამიანი იღებდა, შარშან მათი რაოდენობა 389 ათასამდე შემცირდა. ღარიბთა არმიის კლება, ერთი მხრივ, განპირობებულია "გაბერილი" სიიდან იმ ადამიანების ამოგდებით, ვისაც დახმარება არ ეკუთვნოდა, მეორე მხრივ კი, სოფლის მეურნეობაში დასაქმების მაჩვენებლის ზრდით.