მიუხედავად იმისა, რომ ლარის კურსი დღითი დღე სტაბილურდება, მედიკამენტების ფასზე ამას გავლენა არ მოუხდენია. ფარმაცევტულ ბაზარზე იაფი კომპანიის შემოსვლის მიუხედავად, მომხმარებლები უკმაყოფილონი არიან, რადგან წამლები, რომლებსაც შარშან შედარებით იაფად ყიდულობდნენ, წელს მკვეთრად გაძვირებულია.

სამწლიანი მოლოდინისა და მოქალაქეების პროტესტის შემდგომ, გრიგოლ ფერაძის ქუჩაზე ასფალტი დააგეს, თუმცა ახალდაგებულ გზის საფარს საფრთხე ემუქრება, რადგან, მიუხედავად ამკრძალავი ნიშნისა, ქუჩაზე მძიმეწონიანი სატვირთო მანქანები გამუდმებით მოძრაობენ, აზიანებენ როგორც გზის სავალ ნაწილს, ასევე ტროტუარს, რაზეც რეაგირება არასაკმარისი და არაადეკვატურია. მოქალაქეები გზაზე მძიმეწონიანი ავტომობილების მიმოსვლის სასწრაფოდ აკრძალვასა და ამ ფაქტზე შესაბამის რეაგირებას ითხოვენ.

24-ე საჯარო სკოლის დაწყებითი განათლების პედაგოგი, ასოციაცია "მცოდნელის" დამფუძნებელი ლიანა ბედინაძე "რეზონანსთან" საუბრისას ამბობს, რომ მზად აქვს წიგნი "ყოფაქცევის კულტურა", რომელიც სკოლებში ფაკულტატურად ისწავლება. მისი თქმით, ასოციაციის მიზანია, რომ ეს წიგნი სკოლებში სავალდებულო გახდეს.

ერთ დროს ნაკლებად აქტუალური სპეციალობები წელს უკვე მოთხოვნადი ხდება. მაგალითად, ერთ-ერთი მიმართულებაა აგრარული მეცნიერებები, ისტორია და მშენებლობა. აბიტურიენტებთან საუბარმა ასევე აჩვენა, რომ დაინტერესება გაიზარდა პროფესიულ კოლეჯებში სხვადასხვა სპეციალობაზეც.

ყოველი 10 მომხმარებლიდან 7-8 ადვილად შეიძლება მოტყუვდეს. მართალია, სასურსათო სექტორში მომხმარებელთა უფლებების დარღვევის ფაქტებმა იკლო, სამაგიეროდ სხვა მიმართულებით ამ მხრივ სერიოზული პრობლემებია. შესაბამისი კანონი არ არსებობს და მოსახლეობა საერთოდ დაუცველია. მომხმარებელმა, ელემენტარულად, არ იცის, რისი უფლება აქვს და როგორ დაიცვას თავი მარკეტინგული ხრიკების თუ სხვა სახის დარღვევებისგან, რასაც სავაჭრო სექტორში მუდმივად აწყდება.

ქართულ ბაზარზე ჯანმრთელობისთვის საშიში გამაგრილებელი სასმელები იყიდება. ნივთიერებები, რომლებსაც გემოსა და ფერის მისაცემად იყენებენ, უამრავ დაავადებებს იწვევს. სპეციალისტების თქმით, განსაკუთრებით საშიშია ტარტრაზინი, ასპარტამი, ბეტა-კაროტენი და ა.შ. რომლებიც ადამიანის ფსიქიკას არღვევს და ამასთანავე, იწვევეს სიმსივნეს. ზოგიერთ ქვეყანაში მათი გამოყენება აკრძალულია, ზოგან კი დაწესებულია სპეციალური ნორმები. საქართველოში კი ვინ რა დოზით იყენებს მავნე დანამატებს, უცნობია. ლაბორატორიულ კვლევას არავინ ატარებს.

საქართველოში ერთი ადამიანი დღეში, საშუალოდ, 3,5 დოლარს ხარჯავს, თითქმის ამდენივეს ხარჯავენ სომხეთსა და აზერბაიჯანში, ცოტა მეტია რუსეთში, ამერიკელის დღიური ხარჯი კი 100 დოლარს უტოლდება. მსოფლიოში სიღარიბის ზღვრულ მაჩვენებლად დღეში 2 დოლარი ითვლება. შესაბამისად, გამოდის, რომ ქართველები დედამიწაზე ერთ-ერთ ყველაზე "ჯიბეგაფხეკილები" არიან.

მოსახლეობას უიმედო სესხების ჩამოწერის იმედი აქვს. ეს მხოლოდ იმ შემთხვევაში მოხდება, თუკი "თავისუფალი დემოკრატების" საკანონმდებლო ინიციატივას კანონმდებლები დაუჭერენ მხარს. კანონპროექტის ინიციატორები კი ამბობენ, რომ ასეთი პრაქტიკა მსოფლიოს ბევრ ქვეყანაში არსებობს და სახელმწიფოებრივი ჩარევის შედეგად უიმედო მსესხებლები მძიმე მდგომარეობიდან გამოდიან.

სსიპ „ტექნოლოგიური განვითარების ფონდის“ სასწავლო ცენტრში (მისამართი: კოსტავას #33ა) პროექტის "პროფესიულისამყარო" მესამე ნაკადისთვის ტრენინგების ათდღიანი კურსი დასრულდა.

ლარის კურსის ბოლოდროინდელმა გამყარებამ და ეროვნულ ბანკში განხორციელებულმა ცვლილებებმა ხალხს იმედი ჩაუსახა. მცირე ბიზნესის წარმომადგენლები თვლიან, რომ კიდევ ერთხელ მიეცათ შანსი ფინანსური კრიზისისგან თავი დაიძვრინონ. ვალებით დამძიმებულ ადამიანებს კი იმედი გაუჩნდათ, რომ მალე კურსი გამყარდება და ცოტათი შვება იგრძნობენ.

მომავალი კვირიდან რეგიონებში მიწის სამუშაოები დაიწყება. დასავლეთში ხალხი ბოსტნეულისა და კარტოფილის თესვას უკვე შეუდგა, თუმცა აღმოსავლეთში ჯერ არ ჩქარობენ. ხალხს იმედი აქვს, რომ ამინდის გავლენა განსაკუთრებით საადრეო კულტურებზე აისახება და მოსავლის დაბინავებას დადგეგმილზე ადრე შეძლებენ.

ქრონიკული დაღლილობის სინდრომი, რომელსაც დღეს ცივილიზაციის დაავადებად იხსენიებენ, პირველად ამერიკელმა მკვლევარმა ა. ლოიდმა აღწერა 1984 წელს. პრაქტიკულად, ამოუცნობი სინდრომის მქონე დაავადება ყოველწლიურად სულ უფრო მასობრივ ხასიათს იღებს. აშშ-ის ჯანდაცვის ნაციონალური ინსტიტუტის 1991 წლის განსაზღვრებით, ქრონიკული დაღლილობის სინდრომი არის ადამიანის ორგანიზმის სისტემური დაავადება ცენტრალური ნერვული სისტემის დისფუნქციის დომინირებით. რაც შეეხება დაღლილობას, ის დაავადების მრავალფეროვანი სიმპტომის ერთ-ერთი ყველაზე მეტად გამოხატული სიმპტომია.