სამშენებლო კომპანიები წელს ბინებზე მოთხოვნის შემცირებასა და ფასების ვარდნას ელოდებიან. სამშენებლო კომპანიები, უძრავი ქონების სააგენტოები ამის მიზეზად მსოფლიო ბაზარზე, საქართველოში სავალუტო რყევებს, ეკონომიკურ კრიზისს და ფინანსურად არასტაბილურ მდგომარეობას ასახელებენ.

მარჯვენასაჭიანი ავტომობილების რეგისტრაციის აკრძალვის თარიღმა, შესაძლოა, 2017 წლამდე გადაიწიოს. მასთან ერთად კი მოხდება ყველა იმ ცვლილების გადავადება, რომელსაც მთავრობა საგზაო უსაფრთხოების გამკაცრების მხრივ გეგმავდა. არჩევნების წელს ხელისუფლებას საზოგადოებრივი პროტესტი არ აწყობს და სავსებით შესაძლებელია, პარლამენტმაც ცვლილებების მოწინააღმდეგეთა აზრი გაითვალისწინოს.

ქართველების უმეტესობა 14 იანვარს უფრო გრანდიოზულად აღნიშნავს, ვიდრე პირველ იანვარს. ისინი ამის მიზეზად ეკლესიური ცხოვრების ერთ-ერთ უმთავრეს წესს - მარხვას - ასახელებენ. რესპონდენტების ნაწილმა ახალ წელთან მიმართებაში ხელისუფლებისა და მედიის დამოკიდებულებაზეც ისაუბრა. მათი განმარტებით, ორივე რგოლი საზოგადოებაში ახალი წლის პოპულარიზაციას უფრო მეტად ეწევა, მაგალითად კი დედაქლაქსა და რეგიონებში გამართული კონცერტები და საახალწლო შინაარსის გადაცემები მოჰყავთ.

მერიაში გამართულ პრეზენტაციაზე, სადაც საკრებულოს წევრები და არასამთავრობო ორგანიზაციების წარმომადგენლები იყვნენ მიწვეულები, საბურთალოს რაიონის საცობებისგან განტვირთვის აუცილებელობაზე ისაუბრეს.

თვითმკვლელობის გახშირებულ ფაქტებთან დაკავშირებით შეშფოთებას გამოთქვამს სახალხო დამცველი უჩა ნანუაშვილი და როგორც თავის სპეციალურ განცხადებაში აღნიშნავს, სახელმწიფოს არ გააჩნია ბავშვთა თვითმკვლელობის პრევენციის ერთიანი პოლიტიკა. ამდენად, ვერ ხერხდება პრობლემის გამომწვევი მიზეზებისა და რისკ-ფაქტორების შესწავლა და აღნიშნული ფენომენის აღმოსაფხვრელი პრევენციული ზომების მიღება.

სკოლამდელი განათლების სექტორში, შესაძლოა, რეგულაცია დაწესდეს. ამის შესახებ კანონპროექტი პარლამენტში უკვე ინიცირებულია და განხილვას ელოდება. კანონპროექტის მიხედვით, ჯგუფში ბავშვთა და პედაგოგთა რაოდენობა, სასწავლო პროგრამები, ინკლუზიური განათლების შესაძლებლობა და სხვადასხვა საკითხები კანონით დარეგულირდება. აღნიშნული რეფორმა გაეროს ბავშვთა ფონდისა და ადამიანის უფლებათა დაცვის კომიტეტის მიერ მომზადდა.

ვერა, საბურთალო, აღმაშენებლის გამზირი, გლდანი, ისნისა და სამგორის მეტროს მიმდებარე ტერიტორია - "რეზონანსთან" რესპონდენტები იმ უბნებს ასახელებენ, სადაც გამწვანებული ზონების სიმცირეა. თბილისელები ამბობენ, რომ ჩაბეტონებულ უბნებში ცხოვრება განსაკუთრებით ზაფხულში ჭირს. საბურთალოს მცხოვრებთა დიდი ნაწილი რეკრეაციულ ადგილებში მიმდინარე მშენებლობის შეწყვეტას ითხოვს.

სადღესასწაულოდ რეგიონების მიმართულებით მგზავრთა ნაკლებობა თვალშისაცემი იყო. უდროობის, ფინანსური პრობლემის თუ მოუცლელობის გამო, მოსახლეობის უმეტესობამ ვერც წინასაახალწლოდ და ვერც საშობაოდაც შეძლო რეგიონებში მიტოვებული ოჯახის მონახულება. არაოფიციალური მონაცემებით, რომელიც დედაქალაქის ავტოსადგურებიდან მოგვაწოდეს, მგზავრთა რაოდენობა, წინა წლის ანალოგიურ პერიოდთან შედარებით, 40-45%-ით შემცირდა.

"მოვითხოვოთ საქართველოს სათხილამურო კურორტებზე უსაფრთხოების ზომების პრობლემის მოგვარება", - ამის შესახებ საზოგადოებას პეტიცია მოუწოდებს, რომელსაც უკვე 1500-მდე ხელმომწერი ჰყავს.

თუ სასკოლო კომპიუტერი გაგიფუჭდათ და საგარანტიო დოკუმენტით თქვენი კომპიუტერის შეკეთება კომპანია "იუ-ჯი-თის" ევალებოდა, უნდა იცოდეთ, რომ ის აღარ შეაკეთებს. როგორც "მთელმა კვირამ" გაარკვია, საგარანტიო კომპანია "იუ-ჯი-თის" განათლების სამინისტროსთან ხელშეკრულების ვადა გაუვიდა და ამჟამად სასკოლო კომპიუტერების შეკეთება აღარ ევალება.

აბორტების კუთხით რა მდგომარეობაა საქართველოში და ყველაზე ხშირად რა ასაკში მიმართავენ ექიმს ორსულობის ხელოვნურად შესაწყვეტად, ამის შესახებ "მთელ კვირასთან" ინტერვიუში "დემოგრაფიული აღორძინების ფონდის" ხელმძღვანელი თამარ ჩიბურდანიძე საუბრობს.

საავტომობილო გზებზე არსებული მდგომარეობის შესახებ ინფორმაცია ყოველდღე იცვლება, რისი მიზეზიც მაღალმთიან რეგიონებში არსებული უამინდობაა. გუშინდელი საღამოს მონაცემებით, მცხეთა-სტეფანწმინდა-ლარსის საავტომობილო გზის მლეთა-კობის მონაკვეთზე ქარბუქისა და ზვავსაშიშროების გამო, ყველა სახის ავტოტრანსპორტის მოძრაობა აიკრძალა. ზვავი ჩამოწვა მლეთა-გუდაურის გზაზე. ჩამოწოლილი ზვავის შედეგად არავინ დაშავებულა. გზებზე არსებული ვითარების გასარკვევად "რეზონანსი" საქართველოს რეგიონული განვითარებისა და ინფრასტრუქტურის სამინსიტროს დაუკავშირდა.