დედაქალაქის მოსახლეობა დანაგვიანებულ გარემოს უჩივის. როგორც ისინი "რეზონანსთან" საუბრისას აღნიშნავენ, ნაგვის დაყრაზე ჯარიმის დაწესებამ არაფერი შეცვალა და მოქალაქეების გარკვეული ნაწილი ჩვეულ რეჟიმში აგრძელებს ქუჩების დანაგვიანებას.

22-მეტრიანი ნაძვის ხე რუსთაველის გამზირზე და სადღესასწაულო მინი ქალაქი ვარდების მოედანზე - თბილისელებს საახალწლოდ მთავარ გასართობ ღონისძიებებში მონაწილეობის მიღება ქალაქის ამ მონაკვეთში შეეძლებათ.

საახალწლოდ პროდუქტი საგრძნობლად არ გაძვირდება, უფრო სწორად, ვერ გაძვირდება. გაყიდვის შემცირებამ, რომელიც ბოლო დროს ტენდენციად იქცა, მოვაჭრეებს სხვა გზა არ დაუტოვა. ისინი იძულებულნი არიან, ფასი მაქსიმალურად შეინარჩუნონ, რომ რეალიზაციის სტიმულირება მოახდინონ. მით უმეტეს, ზოგიერთი დასახელების პროდუქტი გაიაფდა კიდეც, მათ შორის, რძის ნაწარმი და ხორციც, რომელზეც წინასაახალწლოდ ტრადიციულად ყველაზე დიდი მოთხოვნაა.

მომხმარებლების ნაწილი ე.წ. ბრენდულ მაღაზიებში მომსახურების ხარისხს უჩივის. როგორც თბილისელები ამბობენ, ძალიან ბევრ მაღალ სეგმენტზე გათვლილ სავაჭრო ცენტრში კონსულტანტები ან გადამეტებულ ყურადღებას იჩენენ, ან კლიენტებს საერთოდ ზედაც არ უყურებენ. არის უხეშობის შემთხვევებიც.

საქართველოში საშუალო ხელფასი 930 ლარია. ამას ამტკიცებენ სტატისტიკოსები, თუმცა რეალურად მოსახლეობის დიდი ნაწილისთვის ამ ოდენობის ხელფასი სანატრელია. საყურადღებოა ისიც, რომ ოფიციალური სტატისტიკის მიხედვით, მამაკაცების ჯამაგირი ქალებისას 62%-ით აღემატება.

რამდენი ქულით შეფასდება საგზაო მოძრაობის წესების თითოეული დარღვევა, უკვე ცნობილია. შეგახსენებთ, რომ "საგზაო მოძრაობის შესახებ" კანონში დაგეგმილი ცვლილებებით, მართვის მოწმობას 100 ქულა ენიჭება, ხოლო თითოეული ადმინისტრაციული სამართალდარღვევა კონკრეტული ქულით შეფასდება, რომელიც 100 ქულას გამოაკლდება და კალენდარული წლის განმავლობაში 100 ქულის ნულამდე დაყვანის შემთხვევაში, მძღოლს მართვის უფლება შეუწყდება. მის მისაღებად კი გამოცდის ხელახლა ჩაბარება მოუწევს.

მოსმენიდან თვალთვალამდე - ასეთი შეფასება მოჰყვა მძღოლების უმეტესობის მხრიდან ფარული პატრულირების წესის შემოღებას. ძალიან ბევრმა "რეზონანსთან" საუბრისას აღნიშნა, რომ საქართველოში წესების დარღვევის გარეშე გადაადგილება საერთოდ შეუძლებელია. ფეხით მოსიარულეები ცვლილების მიმართ ნაკლებად კრიტიკულები აღმოჩნდნენ, ბევრი ფიქრობს, რომ საგზაო მოძრაობის კონტროლი უფრო ადრეც უნდა გაძლიერებულიყო.

ბოლო 12 წლის განმავლობაში საქართველოს სოფლებში მცხოვრებთა რაოდენობა 24%-ით შემცირდა და დღეს 1,5 მლნ ადამიანს შეადგენს. იმ შემთხვევაში, თუ კლების ტენდენცია გაგრძელდა, გამორიცხული არ არის, რომ უკვე შემდგომი აღწერისთვის ქართულ სოფლებს მხოლოდ 1 მლნ ადამიანიღა შემორჩეს. სოფლის მოსახლეობისგან დაცლის შეჩერება კი, სპეციალისტების გათვლებით, მხოლოდ იმ შემთხვევაში მოხდება, თუ იქ ხალხს ურბანულთან მიახლოებული კომფორტულ ცხოვრებას შევუქმნით და ამასთან, მათ სპეციალურ ფუნქციას მივანიჭებთ. სხვა შემთხვევაში სოფელში ხალხის დამაგრება შეუძლებელი იქნება.

საქართველოს მოსახლეობის გარკვეულ ნაწილს სახლში გათბობა არ აქვს. პრობლემაა როგორც რეგიონებში, ასევე დედაქალაქშიც. ამ მხრივ განსაკუთრებით პენსიონერებს და იმ კატეგორიას უჭირს, რომელიც სოციალური შეღავათით არ სარგებლობს. რაც შეეხება რეგიონებს, პრობლემა განსაკუთრებით ბარის ტერიტორიაზეა, სადაც ხალხს შეშის მოპოვებისა და მით უმეტეს, ყიდვის საშუალება არ აქვს.

2016 წლიდან საქართველოში ძველი ავტოტრანსპორტის განბაჟება ძვირდება. მართალია, შედარებით ახალ მანქანებზე გადასახადი შემცირდება, თუმცა სპეციალისტთა გათვლით, ეს ავტობაზარზე ფასების კლების თვალსაზრისით გავლენას ვერ მოახდენს და საბოლოო ჯამში, მანქანების ფასი 30%-ით გაიზრდება.

მედიკამენტების ფასები კიდევ უფრო გაიზარდა. სხვადასხვა დასახელების წამლის ფასი 5-დან 80%-მდეა მომატებული. სამედიცინო სფეროს ექსპერტები აფთიაქებში ფასების ზრდას სავალუტო რყევებს უკავშირებენ. მათი თქმით, ჯანდაცვის მინისტრი დავით სერგეენკო ჯერ კიდევ ზაფხულში აცხადებდა, რომ სექტემბრიდან მედიკამენტები გაიაფდებოდა, მაგრამ მინისტრის პროგნოზი არ გამართლდა, რადგანაც მედიკამენტებზე ფასებმა კიდევ უფრო მოიმატა.

მომავალ წელს ლილოს ნაგავსაყრელის ტერიტორიაზე გაზშემკრები სისტემა გაკეთდება. ამის შესახებ თბილისის მერმა დავით ნარმანიამ განაცხადა. მისი თქმით, მავნე აირებისა და გამონაბოლქვის შემცირების თვალსაზრისით, მომავალი წლიდან თბილისში ორი პროექტი განხორციელდება. ერთ-ერთი სწორედ ლილოს პოლიგონის ტერიტორიაზე გაზშემკრები სისტემის გაკეთებაა.